eß möhten niht erziugen, daß eine erziuget ir lîp.
Ob ieman wünschen solde, der kunde niht gesagen, 780
daß man sô rîcher kleider gesæhe ie mê getragen,
sô dâ ze stunde truogen ir meide wol getân.
wan Prünhilde ze leide, eß hete Kriemhilt verlân.
Ze samene si dô kômen vor dem münster wît. 781
eß tet diu hûsvrouwe durch einen grôßen nît,
si hieß vil übellîche Kriemhilde stân:
‚jâ sol vor küneges wîbe nimmer eigen diu gegân.‘
Dô sprach diu schœne Kriemhilt, zornec was ir muot: 782