‚jane kan in niht gehelfen diu grôße sterke sîn.
erloubet mirß mîn hêrre, ich tuon im alleß leit.‘
dô heten im die helde âne schulde widerseit.
Sîn gevolgte niemen, niuwan daß Hagene 813
riet in allen zîten Gunther dem degene,
ob Sîvrit niht enlebte, sô wurde im undertân
vil der künege lande. der helt des trûren began.
Dô ließen siß belîben: spiln man dô sach. A.814
hei, waß man starker schefte vor dem münster brach
vor Sîvrides wîbe al zuo dem sale dan!