jâ ist des harte lîhte, dar umbe zürnent diu wîp.‘
‚Suln wir gouche ziehen?‘ sprach aber Hagene: 810
‚des habent lützel êre sô guote degene.
daß er sich hât gerüemet der lieben vrouwen mîn,
dar umbe wil ich sterben, eß engê im an daß leben sîn.‘
Dô sprach der künic selbe: ‚ern hât uns niht getân A.811
niuwan guot und êre: man sol in leben lân.
waß touc, ob ich dem recken wære nu gehaß?
er was ie getriuwe und tet vil willeclîchen daß.‘
Dô sprach ûßer Metzen der degen Ortwîn: 812