‚Ir und iuwer recken sult hie heime bestân 829
und lât mich zuo in rîten mit den, die ich hân.
daß ich iu gerne diene, daß lâße ich iuch sehen:
von mir sol iuwern vînden, daß wißßet, leide geschehen.‘
‚Sô wol mich dirre mære,‘ sprach der künic dô, 830
als ob er ernslîche der helfe wære vrô.
in valsche neig im tiefe der ungetriuwe man.
dô sprach der hêrre Sîvrit: ‚ir sult kleine sorge hân.‘
Dô schikten si die reise mit den knehten dan: 831
Sîvride und den sînen ze sehene eß was getân.