dô hieß er sich bereiten die von Niderlant:
Sîvrides recken suohten strîtlîch gewant.
Dô sprach der starke Sîvrit: ‚mîn vater Sigmunt, 832
ir sult hie belîben: wir komen in kurzer stunt,
gît uns Got gelücke, her wider an den Rîn.
ir sult bî dem künege hie vil vrœlîchen sîn.‘
Diu zeichen si ane bunden, alsô si wolden dan. 833
dô wâren dâ genuoge Guntheres man,
dine wessen niht der mære, wâ von eß was geschehen.
man mohte grôß gesinde dô bî Sîvride sehen.