‚Ich melde eß ûf genâde, vil lieber vriunt, dir, 844
daß du dîne triuwe behaltest ane mir,
dâ man dâ mac verhouwen den mînen lieben man.
daß lâße ich dich hœren: dêst ûf genâde getân.
‚Dô von des trachen wunden vlôß daß heiße bluot 845
und dar inne badete sich der rîter guot,
dô viel im zwischen herten ein linden blat vil breit.
dâ mac man in versnîden: des hân ich sorge unde leit.‘
Dô sprach von Tronje Hagene: ‚ûf daß sîn gewant 846
næt ein kleineß zeichen. dâ bî ist mir bekant,