Sigmunt der rîche. sînes sunes tôt
wolde er gerne rechen, als im sîn triuwe daß gebôt.
Sine wessen, wen si solden mit strîte dô bestân, 970
si entæten Guntheren und ouch sîne man,
mit den der hêrre Sîvrit an daß gejeide reit.
Kriemhilt sach si gewâfent; daß was ir grœßlîche leit.
Swie michel wær ir jâmer und wie starc ir nôt, 971
doch vorhte si sô harte der Niblunge tôt
von ir bruoder mannen, daß si eß understuont.
si warnt si güetlîche, sô vriunde liebe vriunde tuont.