Done kunde nieman trœsten Sîvrides wîp. 967
man zôch ûß den kleidern sînen schœnen lîp
und wuosch im sîne wunde, man leite in ûf den rê.
dô was sînen liuten von starkem jâmer vil wê.
Eß sprâchen sîne recken ûß Niblunge lant: 968
‚in sol immer rechen mit willen unser hant.
er ist in disem hûse, der eß hât getân.‘
dô ilten sich wâfenen alle Sîvrides man.
Die ûß erwelten degene mit schilden kômen dar, 969
einlif hundert recken: die hete an sîner schar