‚Wie hete ich daß verdienet,‘ sprach Gunther der degen, A.111
‚des mîn vater lange mit êren hât gephlegen,
daß wir daß solden vliesen von iemannes kraft?
wir ließen übele schînen, daß wir ouch phlegen rîterschaft.‘
‚Ich enwil es niht erwinden,‘ sprach der küene man. A.112
‚eß enmüge von dînen ellen dîn lant den vride hân,
ich wil es alles walten; und ouch diu erbe mîn,
erwirbest dus mit sterke, diu suln dir undertænec sîn.
‚Dîn erbe und ouch daß mîne suln gelîche ligen: A.113
sweder unser einer ame anderen mac gesigen,