nâch kristenlîchem rehte: Ortliep wart eß genant.

des wart vil michel vreude über al deß Etzelen lant.

Swaß ie guoter tugende an vroun Helchen lac, XIII.1329

der vleiß sich vrou Kriemhilt dar nâch vil manegen tac.

A. die site si lêrte Herrât, diu ellende meit.

diu hete tougenlîche nâch Helchen grœßlîchiu leit.

Den vremden und den kunden was si vil wol bekant; A.1330

die jâhen, daß nie vrouwe besæße küneges lant

beßßer unde milter: daß heten si vür wâr.

daß lop si truoc zen Hiunen unz an daß driuzehende jâr.