Nu het si wol erkunnet, daß ir niemen widerstuont, A.1331
alsô noch vürsten wîbe küneges recken tuont,
und daß si alle zîte zwelf künege vor ir sach.
si gedâht ouch maneger leide, der ir dâ heime geschach.
Si dâhte ouch maneger êren von Niblunge lant, A.1332
der si was gewaltec und die ir Hagenen hant
mit Sîvrides tôde hete gar benomen,
und ob im daß ouch immer noch ze leide möhte komen.
‚Daß geschæhe, ob ich in bringen möhte in ditze lant.‘ A.1333
ir troumde, daß ir gienge vil dicke an der hant