mit kusse minneclîche si hât ûf uns verkorn,
daß wir ir ie getâten, ê daß si hinnen reit,
eß ensî et, Hagene, iu eime von ir widerseit.‘
‚Nu lât iuch niht betriegen,‘ sprach Hagene, ‚swes si jehen, 1401
die boten von den Hiunen. welt ir Kriemhilde sehen,
ir mugt wol dâ verliesen die êre und ouch den lîp:
eß ist vil lancræche des küneges Etzelen wîp.‘
Dô sprach zuo dem râte der vürste Gêrnôt: 1402
‚sît ir von schulden vürhtet dâ den tôt
in Hiunischen rîchen; solt wirß dar umbe lân,