wirn sæhen unser swester, daß wær vil übele getân.‘
Dô sprach der hêrre Gîselher zuo dem degene: A.1403
‚sît ir iuch schuldec wißßet, vriunt Hagene,
sô sult ir hie belîben und iuch vil wol bewarn
und lâßet die getürstigen mit uns zuo den Hiunen varn.‘
Dô begunde zürnen von Tronje der degen: A.1404
‚ich wil niht, daß ir vüeret iemen ûf den wegen,
der getürre rîten mit iu ze hove baß.
sît ir niht welt erwinden, ich sol iu wol erzeigen daß.‘
Dô sprach der kuchenmeister Rûmolt der degen: 1405