lützel guoter sprüche redet er der zuo,
dô si die reise lobeten her in Hiunen lant:
daß was dem grimmen Hagene gar zem tôde genant.
‚Eß kument iuwer bruoder die künege alle drî A.1441
in hêrlîchem muote. swer mêr dar mite sî,
der mære ich endelîchen wißßen niene kan.
eß lobte mit in rîten Volkêr der küene spilman.‘
‚Des enbær ich harte lîhte,‘ sprach des küneges wîp, 1442
‚daß ich immer hie gesæhe den Volkêres lîp:
Hagnen bin ich wæge, der ist ein helt guot: