dô vant er sînen hêrren an dem stade stân:
dô gie im hin enkegene manec wætlîcher man.
Mit gruoße in wol enphiengen die edelen rîter guot. 1506
dô sâhens in dem schiffe riechen daß bluot
von einer starken wunden, die er dem vergen sluoc:
dâ von sô muose Hagene hœren vrâgen genuoc.
Dô der künic Gunther daß heiße bluot ersach A.1507
sweben in dem schiffe, balde er dô sprach:
‚wan saget ir mir, Hagene, war ist der verge komen?
iuwer starkeß ellen wæn im den namen hât benomen.‘