Dô sprach er lougenlîche: ‚dâ ich daß schif vant 1508
bî einer wilden wîden, dâ lôste eß mîne hant.
ich hân deheinen vergen hiute hie gesehen;
eß ist ouch niemen leide von mînen schulden geschehen.‘
Dô sprach von Burgunden der hêrre Gêrnôt: 1509
‚hiute muoß ich sorgen ûf lieber vriunde tôt,
sît wir der schifliute bereite niene hân.
wie wir komen übere, des muoß ich trûrende stân.‘
Lûte rief dô Hagene: ‚leit nider ûf daß gras, 1510
ir knehte, daß gereite: ich gedenke, daß ich was