Daß edele gesteine lûhte verre dan 1602
ûß ir vil rîchen wæte: si wâren wol getân.
dô kômen ouch die geste und erbeißten sâ zehant.
hei, waß man grôßer zühte an den von Burgunden vant!
Sehs und drîßec meide und ander manec wîp, 1603
den was wol ze wunsche geschaffen der lîp:
die giengen in enkegene mit manegem küenen man.
dô wart schône grüeßen von edelen wîben getân.
Diu marcgrâvinne kuste die künege alle drî: 1604
alsam tet ir tohter. dô stuont Hagene bî.