‚Nu sol mîn hêrre Gîselher nemen doch ein wîp: 1616
eß ist sô hôher mâge der marcgrâvinne lîp,
daß wir ir gerne dienden, ich und sîne man,
und soldes under krône dâ zen Burgunden gân.‘
Diu rede Rüedegêren dûhte harte guot 1617
und ouch Gotelinde: jâ vreute si in den muot.
sît truogen an die helede, daß si ze wîbe nam
Gîselher der edele, als eß künege wol gezam.
Swaß sich sol gevüegen, wer mac daß understên? A.1618
man bat die juncvrouwen hin ze hove gên: