dô swuor man im ze gebene daß wünneclîche wîp:
dâ lobte ouch er ze minnen ir vil minneclîchen lîp.
Man beschiet der juncvrouwen bürge unde lant. A.1619
des sichert dâ mit eiden des edelen küneges hant
und der hêrre Gêrnôt, daß wurde daß getân.
dô sprach der marcgrâve: ‚sît ich der bürge niht enhân,
‚Sô sol ich iu mit triuwen immer wesen holt. A.1620
ich gibe zuo mîner tohter silber unde golt,
sô hundert soumære meist mügen tragen,
daß eß iu helden nâch êren müge wol behagen.‘