Ir edel ingesinde brâhte vür daß tor 1631
gesatelt vil der mœre. dô kom zuo in dâ vor
vil vremder recken: die truogen schilt enhant,
wan si wolten rîten in daß Etzelen lant.
Der wirt dô sîne gâbe bôt über al, 1632
ê die edelen geste kœmen vür den sal.
er kunde miltlîche mit grôßen êren leben:
sîne tohter schœne het er Gîselher gegeben.
Dô gab er Gêrnôte ein wâfen guot genuoc, 1633
daß er sît in stürmen vil hêrlîchen truoc.