der gâbe im wol gunde des marcgrâven wîp;
dâ von der guote Rüedegêr sît muose vliesen den lîp.
Dô gab er Guntheren, dem helde lobelîch, A.1634
daß wol truoc mit êren der edel künic rîch,
swie er selten gâbe enphienge, ein wâfenlîch gewant.
dar nâch neic Gunther des edelen Rüedegêres hant.
Gotelint bôt Hagenen, als ir wol gezam, A.1635
ir minneclîche gâbe, sît si der künic nam,
daß er âne ir stiure zuo der hôhgezît
von ir niht varn solde: doch widerreite er eß sît.