‚Alles, des ich ie gesach,‘ sprach dô Hagene, 1636
‚so engerte ich hinnen mêre niht zuo tragene
niuwan jenes schildes dort an der want:
den wolde ich gerne vüeren in Etzelen lant.‘
Dô diu marcgrâvinne Hagenen rede vernam, 1637
eß mande si ir leide: weinens si gezam.
dô dâhte si vil tiure an Nuodunges tôt,
den hete erslagen Witege: dâ von het si jâmers nôt.
Si sprach zuo dem degene: ‚den schilt wil ich iu geben. 1638
daß wolde Got von himele, daß er noch solde leben,