nu zuo, vâlandinne, du solt michs niht genießen lân.‘
Des schamte sich vil sêre daß Etzelen wîp: 1687
si vorhte bitterlîchen Dietrîches lîp.
si gie von im balde, daß si niht ensprach,
wan daß si swinde blicke an ir vîende sach.
Bî henden sich dô viengen zwêne degene: XVIc.1688
daß eine was hêr Dietrîch, daß ander Hagene.
dô sprach gezogenlîchen der recke vil gemeit:
‚iur komen ze den Hiunen ist mir wærlîchen leit,
‚Durch daß diu küneginne alsô gesprochen hât.‘ A.1689