dô sprach von Troneje Hagen: ‚des wirt wol alles rât.‘
sus reiten mit ein ander die zwêne küene man.
daß sach der künic Etzel; dar umbe er vrâgen began:
‚Diu mære ich weste gerne,‘ sprach der künic rîch, 1690
‚wer jener recke wære, den dort hêr Dietrîch
sô vriuntlîch enphâhet. er treit vil hôhen muot:
swer sîn vater wære, er mac wol sîn ein recke guot.‘
Des antwurte dem künege ein Kriemhilde man: 1691
‚er ist geborn von Troneje, sîn vater hieß Aldrîân.
swie blîde er hie gebâre, er ist ein grimmec man: