dar umbe wart der küene vor leide zornec genuoc.
Dô wart michel dringen und grôßer swerte klanc, 207
dâ ir ingesinde zuo ein ander dranc.
do versuohten sich die recken beide deste baß.
die schar begunden wîchen; sich huob dâ grœßlîcher haß.
Dem vogte von den Sahsen was daß wol geseit, A.208
sîn bruoder was gevangen: daß was im harte leit;
niht wesser, daß eß tæte daß Siglinde kint.
man zêch es Gêrnôten: wol ervant er eß sint.
Die slege Liudgêres die wâren alsô starc, 209