daß Sîvride under satele strûhte daß marc;
doch sich daß ros erholte: der küene Sîvrit
der gewan in dem sturme einen vreislîchen sit.
Des half im Hagene und ouch Gêrnôt, A.210
Dancwart und Volkêr: des lac ir vil dâ tôt.
Sindolt und Hûnolt und Ortwîn der degen
die kunden in dem strîte zem tôde manegen nider legen.
In sturme ungescheiden wârn die vürsten hêr. A.211
dô sach man über helme vliegen manegen gêr
durch die liehten schilde von der helde hant;