noch stuont vor dem hûse der küene spilman
und Hagene sîn geselle geleint über rant:
si warten schaden mêre von den ûß Etzelen lant.
Den gesten half daß sêre, daß der sal gewelbet was: C.
dâ von ir deste mêre in der nôt genas,
wan daß si zen venstern von viure liten nôt.
dô nerten sich die degene, als in ir ellen daß gebôt.
Dô sprach der videlære: ‚nu gê wir in den sal: 2058
sô wænent des die Hiunen, daß wir sîn über al
tôt von dirre quâle, diu an uns ist getân: