Mit trûregem muote der vil getriuwe man, 2078
den er daß reden hôrte, der helt der blicte in an.
er gedâht: ‚du solt eß arnen: du gihst, ich sî verzagt:
du hâst diu dînen mære ze hove ze lûte gesagt.‘
Die vûst begunder twingen: dô lief er in an 2079
und sluoc sô krefteclîche den Hiunischen man,
daß er im vor den vüeßen lac vil schiere tôt.
dô was aver gemêret des künic Etzelen nôt.
‚Hin, du zage mære,‘ sprach dô Rüedegêr, 2080
‚ich hân doch genuoge leit unde sêr.