daß ich hie niht envihte, zwiu wîßest du mir daß?
jâ wær ich den gesten von grôßen schulden gehaß,
‚Und alleß, daß ich mehte, daß hete ich in getân, 2081
niuwan daß ich die recken her gevüeret hân.
ich was ir geleite in mînes hêrren lant:
des ensol mit in niht strîten mîn vil ellendes hant.‘
Dô sprach zem marcgrâven Etzel der künic hêr: 2082
‚wie habt ir uns geholfen, vil edel Rüedegêr!
wan wir sô vil der veigen hie ze lande hân,
wir bedurfen ir niht mêre: ir habt vil übele getân.‘