si sluogen, daß die ringe vil verre dræten dan

und daß man ort der swerte vil hôhe vliegen sach.

si holten ûß den helmen den heiße vließenden bach.

Dô sach von Troneje Hagene Volkêren tôt: 2226

daß was zer hôhgezîte sîn aller meistiu nôt,

die er dâ hete gewunnen an mâge und ouch an man.

ouwê, wie harte Hagene den helt dô rechen began!

‚Nu ensol sîn niht genießen der alte Hildebrant: 2227

mîn helfe lît erslagene von des heldes hant,

der beste hergeselle, den ich ie gewan.‘