den schilt den ructer hôher: dô gie er houwende dan.
Helfrîch der starke Dancwarten sluoc. A.2228
Gunther unde Gîselher den was eß leit genuoc,
dô si in sâhen vallen in der starken nôt.
er het mit sînen handen wol vergolten sînen tôt.
Swie vil von manegen landen gesamnet wære dar, C.
vil vürsten krefteclîche gegen ir kleinen schar,
wæren die kristen liute wider si niht gewesen,
si wæren mit ir ellen vor allen heiden wol genesen.
Die wîle gie ouch Wolfhart beidiu wider unde dan, 2229