alleß houwende die Guntheres man.
er was die driten kêre nu komen durch daß wal:
dâ viel von sînen handen vil manec recke ze tal.
Dô rief der starke Gîselher Wolfharten an: 2230
‚ouwê, daß ich sô grimmen vîent ie gewan!
edel rîter küene, nu wendet gegen mîn.
ich wil eß helfen enden, eß enmac niht lenger gesîn.‘
Ze Gîselhere kêrte Wolfhart in den strît. 2231
dô sluoc ir ietwedere vil manege wunden wît.
sô rehte krefteclîche er zuo dem künege dranc,