Daȥ minste heiȥit Europa, Daȥ ander affrica, Daȥ dritte asya. Von dem ertriche sprichet ein phylosophus, alfraganus „Den minsten sternen den der mensche mac gesehin, der ist groȥir (293b.) danne daȥ ertriche alle sament, unde ein Sterne ist als ein punctel gein dem himel.“ Nu merke wie groȥ der himel si gein dem ertriche. Diu erde ist der andern elemente reinate unde ein drussene. Unde diu erde ist von ir nature durre unde kalt. also der naturen sint och ein teil liute. den sprechint die arzate[3] [3)] azzate
[4)] zahet Melancolici. die artent nach der erden, unde sint sorghaft, gerne truric, gitic unde habende, ungetruwe, zahe[4] unde swarzir varwe. Nu hest du ein element. daȥ ist diu erde.

[5)] fiuhte. der] fúhter Daȥ ander element ist daȥ wasser, unde ist och cugeleht umbe daȥ ertriche. als in eime eige daȥ luter umbe den duttern gat, also umbegat daȥ wasser die erde. nuwen daȥ uns got den luft hie lat, daȥ wir genesen, eȥ solte anders alles hie waȥȥir sin. unde ist och daȥ waȥȥir kalt unde fiuhte. der[5] naturen sint och die liute, den die meister sprechint sanguinei. die ar-(293c.)tent nach dem waȥȥir, unde sint gebinde, minnende, frolich, lachende, unde rotenthafter varwen, unde singent, unde feiȥet sint si, geturstic unde guotmuotic. Nu hestu daȥ ander element, daȥ wasser.

Daȥ dritte element daȥ ist der luft. der besluȥit in sich die ersten zwei, unde ist warm unde fiuhte. darnach artent die, den die arzate sprechint fleumatici, unde sint an slafenne gerne drage, unde mugent vil speichlotun haben, unde hant herten sin, veiȥt, unde wis sint siu gerne. Nu hestu daȥ dritte element. daȥ ist der luft.

Daȥ vierde ist daȥ[6] [6)] daȥ fehlt. fiur, unde ist durre unde warm, unde umbegat die andern alle. der nach artent die lute, die da heiȥint colorici. die sint los, drugenhaft, zornic, gebinde unde geturstic, ruh, cranc, durre, unde bleicher varwen. dise vier element gent dem libe fuorunge. daȥ sint die erde, waȥȥir, luft unde fiur. (293d.)

Darnach[7] [7)] Bis hieher wechseln rothe und blaue Anfangsbuchstaben der Absätze.
[8)] der sibinder
[9)] mensche
[10)] dem
[11)] firmentum ob disen elementen gat ein gar luter gegni an, der sibin[8] sternen, die da heiȥint planeten. die gant anders danne ander sternen, daȥ man[9] sprichit, si sin die ierrenden sternen. E danne ich dir von disen siben sternen sage, so wil ich von den[10] obresten sagen, daȥ du eȥ deste baȥ merkest. ob disen siben sternen, von den ich dir sagende wirde, sint alle sternen, unde alle sternen an dise siben heiȥent die steten sternen oder die gesteten, wonde si gestetent sint in die witen, die da heiȥit daȥ firmamentum[11], daȥ siu gelich balde gant mit dem firmamentum allumbe die elementa. Von dem lande gant si her uber, da die sunne uf gat, hine da diu sunne under gat, under die erde hine. von disen steten sternen en wil ich nihtesniht sagen iegnote, nuwan daȥ dise sternen unde ir firmamentum also balde (294a.) umbe gant, daȥ siu soltent mit in[12] [12)] im
[13)] disen
[14)] de siv die umbe ciehin die vier elementen, also gehes, daȥ nihtes niht en solte noch en mohte begruonen oder bekumen. da von so het si got beschaffen, dise[13] siben sternen, daȥ die[14] fuoren sulent die welt unde den obresten sternen widerstan sulent. Daȥ firmamentum gat umbe von orient vil swinde zuo dem occident. aber da wider her dan gant die planeten von occident zuo orient. Spreche danne ieman „ich en weiȥ waȥ du seist. ich weiȥ wol, die sternen gant alle zuo orient uf unde ze occident under,“ deȥ antwurte ich also. die steten sternen[15] [15)] sternent
[16)] halb
[17)] kvmume gant von dem oriente zuo dem occidente naturliche. den ganc hant si. aber die planete hant zwene genge. einen betwungenlichen hant si mit dem firmamente von oriente, unde der ganc nimet obern hant.[16] der ander ganc ist der (294b.) naturlich ganc den die planeten hant von occidente wider daȥ firmamente. der ganc ist so verdruckit, daȥ er kume[17] schinet. wonde aber nieman mich lihte noch niht verstat, so wil ich ein bizeichen setzin. nim ein wurmel unde setze daȥ umbe ein umbe gendes rat, daȥ eȥ crieche wider deȥ rades lof. so gat daȥ wurmel für sich, unde wirfet daȥ rat umbe diȥ wurmelin hin wider vil menic werbe, e dan eȥ gecrieche wider an daȥ zeichen[18] [18)] zeichein oder zeichem da eȥ an huob. also wirfet daȥ firmamentum die planeten von oriente zuo dem occidente aller tegelich umbe. der wider strebint die planete, unde sument sich, daȥ siu niht also schiere under gant also die steten sternen. daȥ ander bizeichen ist. die meister sprechint, unde ist och war: so diu creature ie liehter ist, so dringet eȥ ie me hin uf, alse diu flamme. daȥ abir ie swerer ist, daȥ duget so eȥ meist mac zuo (294c.) dem centrum, daȥ ist zuo dem allir mittelsten puncten, der en mitten in dem ertriche[19] [19)] etriche
[20)] dú kien stat. der heiȥit daȥ centrum, also der puncte der en mitten in eime umbecreise ist, der heiȥit och der centrum, als du kiesen[20] maht an dirre figuren:

nemest du denne einen stein, unde wurfest in hohe uf, so heter zwene genge, einen hin uf betwungenlichen, unde sinket doch naturlichen, daȥ er drætecliche stiget. so er danne den betwungenlichen ganc verlat, so vellet er swinde. also hant och die planeten zwene genge. der erste planete heiȥit Saturnus, der ander Jupiter, darnach Mars, unde danne die sunne, unde venus, Mercurius unde der Mane. Jupiter unde venus sint geluckehaft, Saturnus unde Mars ubil. aber die sunne unde der mane unde mercurius sint etwenne guot, etwenne ubil. Saturnus ist kalt unde durre, Jupiter heiȥ unde fiuhte, Mars unde (294d.) die sunne heiȥ unde durre, der mane unde venus fiuhte unde calt. [21)] maht
[22)] Die Kreise mit blauer, die Worte ausserhalb mit rother Farbe. Mercurius het mittelmæsige nature. unde het ie einer witern ganc danne der ander. daȥ mahtu[21] allis kiesen ander figuren die hie nach gat.[22]

[Oben:] Dise figura betiutet die welt wenne die elementen und die himmele die hie getecket sint daz heizet ah die welt.
[Unten:] Der mazse iutet hundert iur und heizzet ouch diu welt.
[Innen:] Primus motus oder primum mobile deist er himel der oberest der da umbe gat / daz firmamentum / Saturnus / Jupiter / Mars / Sol / Venus / Mercurius / der manu / daz fiur / der luft / daz wassir / die erde
[Grösseres Bild]