die sunne / coniunctio
Moneydes / Diadomos / Anphitrites / Panphilimios / Diatomos / Moneydes
[85)] Am Rande das Merkzeichen wie [294d.] [298c.]
[86)] wufzehē
[87)] allē
[88)] daȥ si] dez
[85]tusent iar heiȥent ewen, daȥ ist ein alter. hundert iar heissent seculum, daȥ ist ein welt, vunfzehen[86] heissent indictio. daȥ hant die romer gemaht, do si vor so gewaltic warent, daȥ siu herschetent vil bi uber alle riche, do mahtent siu in diu lant cinshaft alle iar. wonde eȥ denne kumberlich waȥ alle[87] iar zuo rome varn zins antwurten, da von gebutent siu den von verren landen daȥ si so vunf iar (299d.) uȥ giengent golt ze cinse brahtent, zeime zeichen daȥ siu heren werent. Abir nach fiunf iaren, daȥ si[88] brahtent silber, daȥ man der mitte soldener bereite, soldener daȥ sint die da vehtent umbe solt, daȥ ist lon. Aber danne nach fiunf iaren, daȥ siu brahtent gesmide, daȥ man wafen da mitte wider gemahte. unde ie fiunf iar heissent lustrum. so cam[89] [89)] cum
[90)] indirre zweimal.
[91)] nīe ein v’gessin
[92)] Zweimal vf gezzit
[93)] handē
[94)] hant vestene
[95)] betrúget der zins von allen landen in dirre[90] indictione aller zuo samene. daȥ man danne niemer vergesse[91] dirre zal, so hant die romer uf gesezzit[92] daȥ dekein privilegium, daȥ ist hantvestene, frome were, man enschribe danne under fiunfzehin iaren welhes iares der brief wurde gegebin. unde die zal schriben wir och an drier hande[93] briefen, an hantvestenen[94], an den briefen da mitte man kirwihe beciuget[95], unde an den briefen die man schribet an die groȥen osterliche kerzen. der dan-(300a.)ne gerne wuste under disen fiunfzehin iaren in welheme iare wir ieze sint, der tuo driu zuo den iaren von gottes geburte, wande got an dem vierden iare geborn wart, unde teile danne die gottes iar zuo fiunfzehinen. en belibet danne niht uber, so sin wir in dem fiunfzehendesten iare. belibet aber danne uber, also menges so danne uber belibet, in eime solichen sin wir. der ahte tac vor dem octobri ist ein anegenge dirre fiunfzehin iare unde ein ende. Nu wil ich dir sagen von der zit die man ahtet in eime sundern iare. da wissest daȥ man drier[96] [96)] drie
[97)] dc die; c von späterer Hand. hande manoden war nimet. die[97] ersten sint der sunnen manden, die andern sint deȥ manen manden, die dritten der gewonheite manden. E danne ich da von iht sage, so wil ich dir ein wenic kunden vor hin daȥ guot darzuo ze wissenne ist. Der umbeganc (300b.) den alle sternen hant umbe uns an dem himele heiȥit zodiacus.[98] [98)] sodiacg zodiacg
[99)] in zwelfú īzwelfvi
[100)] svnnē
[101)] da dirre zodiacus ist zerteilit in zwelfiu[99], unde ieglich zeichen ist geteilit in driȥic stucke, unde ieglich stucke heiȥit ein gradus, daȥ ist ein staffel. unde so du wellest wissen an welheme zeichen unde in welheme gradu die sunne[100] sie, so nime die zale der tage die da für sint gevarn in dem manden in dem du eȥ besuochen wilt, unde tuo fiunfzehin darzuo. werdent denne driȥic oder minre da, so ist och diu sunne in der staffeln deȥ zeichens daȥ[101] zuo dem mande horit. driffet denne ubir driȥic, so ist die sunne user dem zeichin. also menges danne uberic ist, in einer solichen staffeln deȥ andern zeichenes ist die sunne. Ein philosophus, ein vollecomen meister, sprichit „die sunne ubermisset ein zeichen der zwelfer an eime ganzen manode.“ (300c.) da neimet[102] [102)] nemet
[103)] gegegen
[104)] hemispiriū er der sunnen manden. der sunnen mande daȥ ist die zit, die wile die sunne an eime zeichen louft. Ein zeichin heiȥit aries. daȥ betiutet einen wider. wan so ist die sunne als ein wider hindene swach gegen[103] dem winter, wonde si wenic durrekeite unde wermede het. Abir da vorne gegen dem sumer ist si me creftic. daȥ halbe teil deȥ himels obne daȥ wir da sehint, daȥ heiȥit hemisporium[104]. daȥ wir denne niht ensehen, daȥ heiȥit och also. als hie:
wonde denne die sunne, so si an dem ariete gat, von dem understen emisperio sich gekeret hat zuo dem obersten, als ein wider, der in dem winter als uf der lingen siten lac, der keret sich ze sumer uf die rehte, unde och da von heiȥit diȥ zeichen aries, an dem die sunne wart gemaht, als die cristenheit sprichet. abir anders sprechint arabes. daȥ sint liute von eime (300d.) lande, daȥ heiȥit arabia. die sprechint, die sunne wurde gemaht in leone. § Ein ander zeichin heiȥit taurus. wan die zit so diu sunne loufet in tauro, so schinet der ohsen arbeit, unde als ein ohse sterker ist danne ein wider, als ist die zit danne sterker danne die erste an durre unde an wermede. § Ein ander zeichen heiȥit gemini. wan so ist diu zit zwivaltic an wermede unde an durre. § Ein ander zeichen heiȥit Kanker. wan als der crebse hinder sich[105] [105)] si gat, als gat danne die sunne zuo dem understen emisperio von irme hohsten gange, so ist solsticium estivale. § Ein ander zeichen heiȥit Leo. wan als daȥ tier gar heiȥir naturen ist unde ubil, als ist die sunne denne gar heiȥ unde durre, danne ist daȥ laȥen schade, wann danne die lute versmahtent sint von hitzen unde von durrekeit. so sint huntlich (301a.) tage. wan so gat die sunne bi eime sternen, der heiȥit canis, wan er als reht ubil ist. § Ein ander zeichen heiȥȥet virgo. danne ist diu zit unberhaft als ein maget. § Ein ander zeichen heiȥet[106] [106)] heiȥet fehlt; zeichen aus heizhen gebessert. libra. so sint tac unde naht als gelich lanc, als der ein ding wege mit einer wagen. § Ein ander zeichen heiȥȥit Scorpio. so ist diu zit ein wile minneclich unde danach calt unde drureclich, als daȥ scorpio. daȥ leckit mit der zungen unde stichet danne mit dem zagele. § Ein ander zeichen heiȥit sagitarius. wan so schuzit der winter an uns sine freisen, waȥgewittere, wint, regen, hagel, sne unde frost. § Ein ander zeichen heiȥit capricornus. wan als der capricornus uf stiget nach den loubirn, als stiget die sunne danne von dem understen emisperio zuo dem obersten. so langent die tage, unde ist (301b.) solsticium hyemale. § Ein ander zeichen heiȥit aquarius. so ist der luft gar wasserehte unde fuhte. § Ein anders heiȥit pisches. so ist die zit so gar wasserehte, daȥ man mohte sprechin, elliu dinc swumment als vische. Och sprechint etlich meistere daȥ dise zwelf zeichen also genant sint darumbe, wan die sternen die in der selbin gegni sint, die sint gestalt nach den tieren nach den si genant sint. Nu sol ich von deȥ manen manden sagen. deȥ manen mande ist diu zit in der der mane wider keren mac von der sunnen. so er enzündet wirt, so lat er die sunne fur gan unde sumet sich, biȥ er wider zuo der sunnen kumet. Also wider keret er von der sunnen wider zuo der sunnen alle tac vier puncten. unde ie ein puncte ist ein zehinde teil eines zeichins der zwelf zeichine. Einer hande zal, he-(301c.)iȥit epacte, die leret welhes tages der mane enzundet werde. die ist swere unde erdroȥȥenlich. da von vant uns der keiser iulius, der waȥ an den sternen ein guot meister, der vant ein besir zale. die heiȥit die guldin zal. Er wartete eines iares welhes tages der mane enzundet wurde, unde schreib eines dar. also tet er an allen den tagen da der mane ander wart, bis daȥ iar uȥ kam. deȥ andern iares, so der mane enzundet wart, so schreip er zwei. Deȥ dritten iares driu, unde also biȥ an das niunzehende iar. do schreip er niunzehene. an dem zwenzicgosten iare, wa dan eines geschriben waȥ, da wart ie der mane enzündet. als gat diȥe rechenunge an dem einen an unde an nunzehenen uȥ. Nu wil ich von dem gewonlichen manden sagen. der gewonlich mande daȥ sint die tage die von den alten ziten unde nu geschriben sint in unsern ka-(301d.)lendenern. da von wiȥȥet daȥ romelus der meister waȥ der erste under den romeren der daȥ iar mit den manden teilte. der mahte niht wan zehen manden, Unde sprach, eȥ were ein iar. daȥ tet er darumbe, wan ein frouwe ein kint niht langer treit dan zehin manden. unde in sinen ziten waȥ gewonlich daȥ ein frowe nach ires mannes tode an ander man beleip uber zehin manden. den ersten manden nante er marcium, wande sin vater mars hieȥ. oder als die heidene gloubint[107], [107)] glŏbit
[108)] sich fehlt.
[109)] worete mars daȥ ist ein stritgot. nach dem mac och dirre mande wol heiȥin. wan die romschen kunge fuorent die zit an den strit, so siu urluge hetent. Do nante romulus den anderen manden aprilem. den namen gab er im von dem worte aperire. wan in der zit so tuont sich[108] uf deȥ ertriches unde der boume pori. Do nante er den dritten Mæien, nach dem worte[109] Ma-(302a.)iores. wan die merren mahtent danne ir spil ze rome. Den vierden nande er Junium. wan so hetent die iungen ir spil. Den fiunften nante er Quintilem, nach dem worte quinque. Den sehsten sextilem, nach dem worte sex. Der sibinde heiȥit september, von septem unde von ymber, als der spreche „er ist der sibinde nach dem regenlichen manden.“ daȥ ist der merze, ze gelicher wiȥ, heiȥit der ahte mande october, von octo unde von ymber. Unde der niunde november, von novem unde ymber. Der zehinde December, von decem und ymber. Da nach kam ein meister, der heiȥet[110] [110)] hiezet numma pompeius, der merrete daȥ iar mit zwein manden. daȥ waȥ ianuarius unde Februarius. Nach der heiden geloube ianus daȥ ist deȥ iares got. der het zwei houbet, daȥ er hindene unde vorne gesehe. nach deme ist der ianuarius genant, wan der mande ist (302b.) ein ende deȥ furgevarnen iares unde ein anegenge deȥ kunftigen iares. er mac och heiȥen nach dem worte ianua. wan als man zuo einer duren in gat, als gat man zuo disem[111], [111)] disen
[112)] ist fehlt.
[113)] begegint
[114)] hegenvotēt
[115)] der manden in daz iar. nach der heidene geloube Februus daȥ ist der hellen got. darnach ist[112] der februarius genant, wan die romer warent noch do heidene unde begiengint[113] deȥ hellegotes hogezit in dem februario. wie denne doch meister numma dem iare zwelf manden gebe, doch mahte er eȥ ze kurz. wande die manden warent manen manden. die engenuogten[114] niht der sunnen loufe. da von kam ein andere, daȥ waȥ keiser iulius, der mahte den[115] kalendener rehte unde irvollette den gebresten mit einlof dagen, die tet er darzuo unde ein vierteil eines tages. da von het daȥ iar driu hundert unde sehzic unde fiunf tage unde sehz stunden. doch ubergreif (302c.) er mit eime zwelften teile einre stunden. Dirre Julius teilte iglichem manden sine tage vil ordenlich, er vienc an an dem mercen. dem gab er ein unde driȥic tage, dem andern driȥic, unde also biȥ uȥ. dem geraden gap er gerade, dem ungeraden gab er ungerade. do er do herumbe an den ianuarium kam, dem solte er ein unde driȥic tage han gegebin, unde gebrast im eines tages. den nam er dem februario unde ervollete den ianuarium unde sprach „der Februarius kumit sime gebresten wol nach, so eȥ schaltiar sint.“ wan er do keiser waȥ, do wart der mande der vor quintilis hieȥ Julius genant. daȥ tatent im die romer ze liebe, wan er in dem manden[116] [116)] mandem
[117)] genant geborn wart. ze glicher wis tatent siu dem keiser augusto. der waȥ in dem sextili geborn.[117] der mande wart augustus genant. aber keiser augustus nidete daȥ (302d.) sin mande eines tages kurzir waȥ danne iulius, unde nam einen tac uȥ dem Februario unde leite den in sinen manden. do beleip der februarius mit eht unde zwenzic dagen. wan do drie manden nah enander giengent der ieglicher ein unde driȥic hete, der iulius, augustus unde september, da von nam der keiser augustus einen tac uȥ dem septembri unde gab in dem octobri, unde nam einen uȥ dem novembri unde gap in dem decembri. also stant die manden noch bi unsern ziten. Danach wissest daȥ ieglich mande drier hande tage het, daȥ sint kalende, none unde Idus. kalende daȥ[118] [118)] Idus kalende. Dc
[119)] merkint
[120)] in ist als der spreche colende. wan an dem ersten tage iegliches manden so uobtent siu eine gotin, die hieȥ iuno. kalo daȥ sprichet ruofen. da von kumet och wol calende. wan so rief ein butel vor hin etwie lange (303a.) unde kunte den merkit[119] unde die hohgezit. kalo daȥ ist guot. da von heiȥit eȥ och kalende, wan so hantgiftet ein friunt dem andern in dem namen daȥ im[120] gelucke unde guot davon volgete. Non daȥ ist niht. da von kumet none. wan kein got enthilt niht die hohgezit iunonis in den tagen. oder none daȥ ist als nove. wan die tage so fundent romer niuwe reht. nundine daȥ sint mestage. wan do hie vor die mestage in disen tagen warent, da von heiȥent dise tage none. § ydus daȥ kumet von eim kriechschen worte ydos, daȥ ist ein teilunge. wan dise tage sint vil bi der halbe mande, oder won[121] [121)] von. sich die mestage danne schiedent. Nu soltu wissen, in ieglichem manden sint zwene ubile tage. nach der heiden gelouben waȥ eȥ ubel, daȥ man an den tagen kein werk an vienc, unde wer an (303b.) den tagen siech wart, der starb oder genas kume. an den selben tagen plagete got daȥ volk von egipto mit den groȥen slegen. och warent etlich heidene, die opfirtent an disen tagen ir eigen menslich bluot dem hellegote der da heiȥit pluto. da von wart eȥ verbotten, daȥ nieman laȥin solte an disen tagen, daȥ man iht arcwane daȥ man menslich bluot opfere dem duvele. § Sant Augustinus verbiutet daȥ man iht bluot opfere plutoni noch hohgezit began iunon an den kalendis. Der irkennen welle in ieglichem manden weles sint verworfene tage, unde wele stunde schedelich ist an den selben tagen, der lerne an disen versen. Armis gunfe dei calatos adamare dabatur. Lixa memor conflans gelidos limpfantia quosdam. Omne lumen aaron bagis consortia laudat. Thielinkat ei coequata gracia lim (303c.) liphradus. ie zwei wort horint an einen manden. Daȥ erste zalet obne her abe, daȥ ander zalet undene uf. der erste buochstabe an der ersten sillaben bezeichint wel tage verworfen si. wan als verre der buochstabe stat in dem a b c, also mengen tac stat der tac in dem kalendario. ze gelicher wis bezeichenet der erste buochstabe an der andern sillaben wel stunde in dem selben tage verworfen si. Nu han ich geseit von der zit die man geschriben mac unde stete ist. nu wil ich sagen von der[122] [122)] der fehlt.
[123)] horint
[124)] dem bewegelichen zit die man ahtet bi dem loufe deȥ manen unde het keine stat in dem kalendario. unde der zite sint fiunfe, septuagesima, quadragesima, pascha, rogationes, pentecoste. wie aber der adventus bewegelich si, so en horit[123] er doch niht zuo disen. wan man ahtet sin niht nach dem manen. die dage die da heiȥent (303d.) septuagesima, mit den[124] begat man die sibinzic iar in den die kint von israhel warent gevangen ze babilonie. quadragesima, mit den begat man die vierzic tage die Moyses vastete unde enpfienc die zehin gebot von unsirme herren. Helyas vastete och vierzic tage unde wart gezuckit an ein heinlich clare stat. och vastete unser herre ihesus cristus selb vierzic tage unde uberwant deȥ tievils bekorunge. wan dan alle gotes getat uns ein lere ist unde ein wec, wir suln[125] [125)] wan súl
[126)] vntolicheit och vierzic tage vasten, unde sulent gote unser lebin zehinden, als wir och unser guot zehinden. den osteren sprechint die iuden pascha unde die criechen phase. phase daȥ ist in latine transitus. wan unser herre ihesus cristus do uber fuor von der dotlicheit zuo der untotlicheit[126], danne suln wir uber varen von den sunden zuo den (304a.) tugenden, daȥ wir von disim lebinne mugent komen zuo dem ewigen lebinne. AMen. Die zit so man mit den crucen get, die tage heiȥent rogationes, von dem worte rogare. wan diu heilic cristenheit manet uns daȥ wir betent unde vastent unde mit den crucen gant, niht alleine fur die wolfe die dem libe schadent, me halt fur die wolfe die der sele schadent. Pentecosten daȥ kumet von dem crieschin worte pente, daȥ ist fiunfe, unde coste, daȥ ist zehene, als der spreche „fiunf werbe zehine.“ also menic dag ist och von ostern biȥ pfingsten. unde die zit begat die cristenheit, wan die e Moysi wart gegebin uf dem lihten berge, unde unsers[127] [127)] vnser herren iungern enpfiengent den heiligen geist. Nu han ich geseit von den ziten die man ahtet nach dem manen. Nu wissest daȥ der sunnentac (304b.) der da stat nach dem fiunften tage vor dem Decembri unde vor dem dritten tage hin in Decembri, der sunnentac ist ein anegenge deȥ adventus, daȥ uns kunftic ist der tac an dem got geborn wart, deȥ die wissagen vor lange begeret hettent.
Finis adest operis. mercedem posco[128] laboris.
[128)] pasco