Persepter[171] sin Döchder — dat is di en Staat!
Persepter sin Lischen, sin Witjen un Trin,
dree Deerns, als dree Rosen, künnt all dree all fri’n[172].
Wa hebbt se för Haar, — rein so blank un so glatt!
un Ogen[173], — de Swarte, als Aalbein so swatt[174],
de Gehle[175], — so blau als Vergißmeinnichtblom,
de Brune, — so brun als Kastanjen vun’n Bom.
Se danzt un se springt un se hüppt als en Reh,
sünd rot, als en Ros’, un so witt, als de Snee,
se singt, als en Drossel, un lacht, als en Duv[176],