uns sint [unsenfte] [brieve] her von Rôme komen:
uns ist erloubet trûren und freude gar benomen.
daz [müet] mich inneclîchen (wir lebten ie vil wol),
daz ich nû für mîn lachen weinen [kiesen] sol.
die [wilden] vogele betrüebet unser klage:
waz wunders ist, ob ich dâ von vil gar verzage?
waz spriche ich tumber man durch mînen bœsen zorn?
swer [dirre wünne] volget, der hât jene dort verlorn
iemer mêre, ouwê!
Owê wie uns mit süezen dingen ist [vergeben]!