daz man [gotes gâbe] iht koufe oder verkoufe,
daz wart uns verboten [bî] der toufe.
nû lêre [êt'z] in sîn [swarzez buoch], daz ime [der hellemôr]
hât gegeben, und ûz im lese êt sîniu [rôr].
ir kardenæle, ir decket [iuwern kôr]:
unser [alter frône] der stêt undr einer übelen troufe.
WIRT UND GAST
«Sît willekomen, hêr [wirt]!» dem gruoze muoz ich swîgen:
«sît willekomen, hêr gast!» so muoz ich sprechen oder [nîgen].
wirt unde [heim] sint zwêne [unschamelîche] namen: