Knick. Horrich! Ebber coom’d now. ’S date mich gor net woonera wann ’s der Gustaffe wær—odder ebber soonsht—
Enter Sophia L. H.
Soph. Der Hermon Van Slaus is drous in der front shtoob un ar date eich garn sana.
Alice. Sell is awer net der mon os mer expect hen.
Knick. Der sohn fum olta Van Slaus! We mer der deifel nennt coomd ar sure ols aw garennd.
Soph. Un ar wær garn introduced doh by eich.
Knick. Well, luss ’n ri cooma. ’N airlicher mon brauch sich net for ’m deifel selwer farrichta.
[ Exit Sophia, L.
Lor. Un ich glawb ich mauch mich ous ’m wæg—gæ in ’n onnery shtoob——
Knick. All recht. Luss des ding yusht tzu meer—ich con ’n mannetsha. Ar is ’n ferflomter rascal, un ar gait mer aw noch in ’n orrick haiser plotz—ich insures os ae du’t.