Ad provinciam Anglie possunt mittere omnes provincie Ordinis, scil. ad Studium Oxoniarum, Cantabrigie, et ad alia studia ejusdem provincie.
14
Recovery of debt from a Sheriff, A. D. 1488.
Exchequer of Pleas; Plea Roll, 3 Hen. VII, m. 35.
Pro Ricardo Salford querente versus Johannem Paston Militem nuper vicecomitem Comitatuum Norff’ et Suff’ defendentem in placito debiti per billam.
Ricardus Salford Gardianus ffratrum Minorum Oxon’ venit coram Baronibus huius Scaccarii vicesimo die Maii hoc termino per Jacobum Bartelot attornatum suum et queritur per billam versus Johannem Paston Militem nuper vicecomitem Comitatuum Norff’ et Suff’ presentem hic in Curia eodem die, super compoto suo de officio suo predicto hic ad hoc Scaccarium reddendo, per Edmundum Dorman’ attornatum suum, de eo quod predictus nuper vicecomes ei debet et iniuste detinet decem libras decem et octo solidos argenti; Et pro eo iniuste, quod, cum dictus Rex nunc pro diuersis debitis in quibus indebitatus fuerat prefato querenti, inter alia assignasset eidem querenti decem libras decem et octo solidos predictos per quandam talliam curie his ostensam eandem summam continentem leuatam ad Receptam Scaccarii dicti domini Regis apud Westmonasterium, terciodecimo die Maii anno regni dicti domini Regis tercio, pro ffratribus Minoribus Oxon’, prefato querente tunc Gardiano ffratrum Minorum predictorum existente, de et super prefato iam defendente per nomen Johannis Paston nuper vicecomitis dictorum Comitatuum Norff’ et Suff’ percipiendam de ipso de exitibus balliue sue et de pluribus debitis suis; Et licet predictus querens decimo septimo die Maii dicto anno tercio apud villam Westmonasterium in Comitatu Midd’ per quendam Jacobum Bartelot adtunc seruientem suum monstrauerit et ad deliberandum optulerit talliam predictam cuidam Edmundo Dorman’ adtunc attornato predicti nuper vicecomitis iam defendentis super compoto ipsius nuper vicecomitis hic ad hoc Scaccarium faciendo pro solucione decem librarum decem et octo solidorum predictorum habenda secundum effectum tallie predicte, ac tunc et ibidem ipse querens requisiuit prefatum nuper vicecomitem iam defendentem ad ei soluendum xli xviijs predictos iam in demanda; Quo quidem decimo septimo die Maii ipse iam defendens ibidem satis habuit in manibus suis de dictis exitibus balliue sue predicte prouenientibus et de pluribus debitis predictis, vnde ipse tunc soluisse potuit prefato querenti xli xviijs predictos secundum effectum tallie predicte; Ipse tamen nuper vicecomes iam defendens xli xviijs illos siue aliquam inde parcellam prefato querenti nondum soluit, set hoc facere contradixit et adhuc contradicit; et vnde predictus querens deterioratur et dampnum habet ad valenciam decem librarum. Et hoc offert etc.
Et predictus nuper vicecomes, per predictum attornatum suum presens etc., petit auditum bille predicte, et ei legitur etc.: qua audita dicit quod ipse ad presens non est auisatus ad respondendum prefato Ricardo Salford in premissis. Et petit diem inde loquendi vsque Octavis sancte Trinitatis citra quem etc.: quod per curiam concessum est ei. Et idem dies datus est prefato Ricardo Salford hic etc.—Ad quem diem (xxv die Junii, in margin) predictus Ricardus Salford venit hic per predictum attornatum suum et petit quod predictus nuper vicecomes ei respondeat in premissis. Et super hoc idem nuper vicecomes ad respondendum prefato Ricard Salford in premissis hic solempniter exactis etc., non venit set fecit defaltam etc. Et super hoc idem Ricardus Salford petit iudicium suum in premissis et debitum suum predictum vna cum dampnis suis predictis sibi in hac parte adiudicari etc. Super quo, visis premissis per Barones predictos habitaque inde deliberacione pleniori inter eosdem, consideratum est per eosdem Barones quod predictus Ricardus recuperet versus prefatum nuper vicecomitem debitum suum predictum decem librarum decem et octo solidorum predictorum, et dampna sua, tam occasione iniuste detencionis debiti predicti, quam pro misis custagiis et expensis suis circa sectam suam predictam in hac parte appositis (?), taxata per eosdem Barones ad viginti sex solidos et octo denarios, que quidem summe in toto se attingunt ad summam duodecim librarum quatuor solidorum et octo denariorum; et quod predictus nuper vicecomes sit in misericordia domini Regis, etc.
15
Documents relating to the lease of a garden at the Grey Friars to Richard Leke, A. D. 1513-1514.