Acta Curiae Cancellarii, Oxford Univ. Archives,
, fol. 194, 197, 210, 212.
Eodem die (June 10, 1510) dominus doctor Kynton accepit sibi in seruientem Ricardum Leke pandaxatorem promittens sibi 6s 8d annuatim aut unam robam, quem juratum ad privilegia admisimus (fol. 194).
Eodem die gardianus fratrum minorum Oxon’ promisit, quod ab isto die de cetero, donec maior communicacio in causa, que euidencius in quadam indentura inde confecta liquet, inter prefatum gardianum et Ricardum Leke habeatur, non impediet, aut impediri procurabit per se aut per alium, quominus predictus Ricardus Leke uti valeat jure et libertate sibi concessis secundum effectum dictarum indenturarum prefato Ricardo concessarum (ibid.).
Eodem die gardianus predictus promisit in verbis sacerdocii quod litem istam et causam motam non trahet ad extra que pendet inter prefatum gardianum et Ricardum Leke predictum (ibid.).
6o die Julii comparuit coram nobis doctor Goodefyld ordinis minorum et olim gardianus eiusdem loci, qui fide media confessus est Ricardum Leke recepisse in firmam ab eodem, tempore prioratus sui, et conuentu eiusdem loci, quemdam ortum infra cepta sua secundum tenorem cuiusdam indenture inde confecte, quam indenturam affirmat eadem fide fuisse legittime factam. Hoc idem testificante fratre vocato Brown bacallario sacre theologie eiusdem loci (ibid.).
(Aug. 12). Gardianus fratrum Minorum promisit fide data quod seruabit pacem domini regis pro se et suis, quantum in illo est, aduersus Ricardum Leke, et si contingat fratres suos perturbare predictum Ricardum, quod retinebit eos in salua custodia quousque res maturius possit examinari, si possit deuenire in noticiam eorum (fol. 197b).
(Jan. 23, 1513/4). Comparuit coram nobis gardianus fratrum minorum et constituit suum procuratorem Magistrum Carew cum clausulis necessariis, etc. (fol. 210).
Eodem die Mr. Carew nomine procuratoris pro ecclesia fratrum minorum petiit restitucionem in integrum aduersus quemdam contractum indentatum inter predictos fratres et Richardum Leke cuius datum est, etc., et causa est quia predicta Ecclesia ut asseruit est grauiter lesa et in futuro erit, ad quod probandum accepit terminum viz. istum diem ad octo dies (ibid.).