CHARACTER SPECIFICUS.
Erica, antheris muticis, exsertis, longissimis; corollis clavatis, pollicaribus, luteis; calyce imbricato, foliis ternis.
DESCRIPTIO.
Caulis strictissimus, rigidus, parum ramosus; ramulis brevibus, frequentissimis.
Folia terna, linearia, obtusa, in apicibus ramulorum fasciculata, petiolis adpressis.
Flores in medio ramorum, ramulis ultimis terminales, bini, vel terni, recurvi; pedunculi brevissimi, bracteis tribus calyciformibus.
Calyx. Perianthium duplex, imbricatum, interius tetraphyllum, exterius triphyllum, foliolis ovatis, acuminatis, concavis, luteis, glabris.
Corolla clavata, curvata, lutea, pollicaris, glabra, ad basin grossa, quadrifida; oris laciniis incurvis, adpressis.
Stamina. Filamenta octo capillaria, receptaculo inserta; antheræ muticæ, exsertæ, longissimæ.
Pistillum. Germen ovatum. Stylus filiformis. Stigma tetragonum.