CHARACTER SPECIFICUS.
Erica, antheris basi bicornibus, exsertis; corollis clavatis, sesquipollicaribus, luteis; foliis quaternis, glabris, obtusis, crassis.
DESCRIPTIO.
Caulis fruticosus, erectus, tripedalis, ramosus; ramulis verticillatis, brevibus.
Folia quaterna, obtusa, linearia, crassa; petiolis brevissimis, adpressis.
Flores in apicibus ramulorum terminales, nutantes, pedunculis brevibus, bracteis tribus spathulatis.
Calyx. Perianthium tetraphyllum; foliolis obtusis, glabris, sub-ovatis.
Corolla clavata, sesquipollicaris, lutea, basi attenuata; oris laciniis magnis, revolutis.
Stamina. Filamenta octo capillaria, receptaculo inserta; antheris bifidis, basi bicornibus, exsertis.
Pistillum. Germen cylindricum, sulcatum. Stylus filiformis. Stigma tetragonum.