CHARACTER SPECIFICUS.
Erica, antheris muticis, exsertis; corolla conica, aurantia, incurvata, pollicaris, limbo inflato clauso; calycinis foliolis imbricatis, subovatis, mucronatis, rigidis; floribus subternis, terminalibus; foliis ternis, linearibus, rigidis, obtusis, patentibus.
DESCRIPTIO.
Caulis erectus sesquipedalis, fuscus; rami tecti ramulis ternis, consertis, patentibus.
Folia terna, linearia, rigida, sub-scabra, subtus sulcata, obtusa, patentia.
Flores sub-terni, ramulorum terminales incurvati, penduli; pedunculi brevissimi.
Calyx. Perianthium duplex, exterium, tetraphyllum, foliolis lato ovatis, rigidis, luteis, adpressis, imbricatis; interium, tetraphyllum, foliolis priori similibus sed duplo longioribus.
Corolla conica, calyce triplo longior, aurantia; laciniis limbi ovatis, erectis, inflatis, incurvis.
Stamina. Filamenta octo, linearia, plana. Antheræ muticæ, exsertæ, lineares, corollæ longitudine, planæ, rubro-fuscæ.
Pistillum. Germen ovatum, sulcatum. Stylus, filiformis longitudine antherarum. Stigma obsolete-tetragonum.