CHARACTER SPECIFICUS.
Erica, antheris muticis, inclusis: foliis oblique sparsis, obtusis: floribus umbellatis, albis, odoratis, campanulatis: pedunculis longissimis: ramis paucis, simplicibus.
DESCRIPTIO.
Caulis fruticosus, pedalis: ramis paucis, suberectis, simplicibus, filiformibus.
Folia sparsa, sæpe quaterna, arcuata, margine glanduloso-denticulata, obtusa, supra planiuscula, subtus sulco exarata: petiolis longis.
Flores numerosi, sub apice ramorum umbellati, penduli: pedunculi flore triple longiores, flavescentes, viscidi: bracteis tribus minutis instructi.
Calyx. Perianthium tetraphyllum: foliolis ovatis, viscosis, adpressis.
Corolla campanulata, magna, alba, viscosa, lucida, melliodora: laciniis rotundatis, reflexis.
Stamina. Filamenta octo linearia: antheris muticis, inclusis.
Pistillum. Germen tiaræforme, sulcatum, glandulis octo ad basin germinis. Stylus filiformis, sub-exertus. Stigma tetragonum.