DESCRIPTIO.
Caulis fruticosus, sesquipedalis, erectus, ad basin ramosus, dein spicam simplicissimam pyramidatam formans, ramulis brevibus vestitam.
Folia quaterna, linearia, incurvata, glabra, subtus leviter sulcata: petiolis brevissimis, adpressis.
Flores numerosi, prominentes super ramulos brevissimos cauli adpressos.
Calyx. Perianthium duplex: exterius triphyllum: foliolis ovatis, acuminatis: interioribus tetraphyllis, et longioribus.
Corolla cylindrica, pollicaris, glabra, lutea: limbo quadrifido, reflexo.
Stamina. Filamenta octo capillaria receptaculo inserta: antheræ aristatæ, inclusæ.
Pistillum. Germen coronæforme. Stylus filiformis, curvatus, exertus. Stigma tetragonum.
Habitat ad Caput Bonæ Spei.
Floret a mense Maio in Septembrem.