CHARACTER SPECIFICUS.
Erica, antheris aristatis inclusis, corollis cylindraceo-clavatis, coccineis, verticillatis, foliis sub-senis, setaceis, in petioles capillares attenuatis.
DESCRIPTIO.
Caulis fruticosus, bipedalis, ramis ramulisque erectis, et sæpe alternis.
Folia plerumque quinata vel sena, erecta, setacea, in petiolos capillares deorsum attenuata.
Flores in summitate ramorum verticillati, recti. Pedunculi breves, bracteis tribus lanceolatis instructi.
Calyx tetraphyllus, foliolis lanceolatis, serrulatis, adpressis.
Corolla cylindraceo-clavata, coccinea, ore arctata, parum curvata, subpollicaris, limbo reflexo.
Stamina octo capillaria; antheræ aristatæ, inclusæ.
Pistillum. Germen tiaræforme, sulcatum, ad basin nectariferum. Stylus filiformis. Stigma tetragonum.