ERICA Banksia, purpurea.
CHARACTER SPECIFICUS.
Erica, antheris muticis, exsertis; filamenta plana, longissima, conniventia; corollis cylindricis, luteolo-albis; oris laciniis saturate purpureis. Caulis decumbens. Folia terna.
DESCRIPTIO.
Frutex pygmæus, sub-spithamæus, rigidus, ramosissimus.
Folia terna, sublata, trigona, mucronata; subtus sulcata; supra plana, glabra, profunde viridia.
Flores in ultimis ramulis, terni, cernui; pedunculis brevissimis.
Calyx. Perianthium duplex, exterius triphyllum; foliolis lanceolatis, rigidis; interius tetraphyllum, foliolis longioribus.
Corolla cylindrica, luteolo-alba; oris laciniis patentibus, saturate-purpureis.