ERICA blanda.
CHARACTER SPECIFICUS.
Erica, antheris exertis, basi bicornibus; floribus terminalibus, confertis, umbellatis; corollis sub-cylindricis, incarnatis; foliis senis, obtusis, confertis, curvatis.
DESCRIPTIO.
Caulis fruticosus, spithamæus, teres; rami numerosi, recurvato-adscendentes.
Folia plerumque sena, linearia, obtusa, asperiuscula, basi recurvata, apice adscendentia, petiolis longis, adpressis.
Flores numerosi, terminales, umbellati, horizontaliter siti; pedunculi longi, colorati.