DESCRIPTIO.
Caulis erectus, humilis, ramosus; ramuli patentes, numerosi, verticillati.
Folia terna, linearia, obtusa, recta, glabra.
Flores terni, in apicibus ramulorum, dependentes; pedunculi fere nulli.
Calyx. Perianthium duplex; exterius triphyllum, interius tetraphyllum; foliolis ad basin lato-ovatis, superne subulatis.
Corolla clavata, viridis; laciniis limbi erectis.
Stamina. Filamenta octo, linearia; antheræ muticæ, exertæ, nigræ.
Pistillum. Germen tiaræforme. Stylus filiformis, staminibus paulo longior. Stigma tetragonum.
Habitat ad Caput Bonæ Spei.
Floret a mense Martii in Junium.