We have placed the finish’d Pedestal on the Side G, partly for want of Room, and partly to shew, that the Point of Distance G is there made use of, GO being equal to FO.
Fig. xi.
FIGURA Undecima.
Stylobatæ Ionici deformatio; ubi de vitanda confusione in elevationibus.
Tum in figura præcedenti, tum rursus in hac, ostendimus quid agendum sit ubi vestigia AA nimium obliquentur, unde oritur confusio; præcipuè in lineis parallelis quæ exhibent latitudines. Non minor difficultas interdum occurret in elevationibus longitudinis opticè deformandis; quòd videlicet, ob nimiam earum obliquitatem, pervium non sit altitudines singularum projecturarum probè discernere ac designare. Ad scopulos istos declinandos, loco elevationis B adhibebitur elevatio C, quæ distinctior est, tum illâ, tum duabus intermediis D & E, ob majorem distantiam quam habet à puncto oculi.
In delineando stylobata nitido, latitudines accipientur ex ultimo vestigio, ponendo unam cuspidem circini in linea perpendiculari, quæ proxima est literæ O: altitudines accipientur ex elevatione C, ponendo unam cuspidem circini in linea plani, ut in præcedentibus ostensum est.